گازۆ یەکێکە لەو چەرەساتانەی لای بەشێکی زۆری خەڵک خواستێکی زۆری لەسەرە، سەرچاوەیەکی دەوڵەمەندی چەورییە ناتێرەکانە، هەروەها سەرچاوەیەکی سەرەکی وزە، پرۆتینەکان، ڤیتامینەکان، کانزا و دژەئۆکسانەکانە، ئەمەش سوودێکی تەندروستی زۆر بە جەستە دەگەیەنێت.
ڕۆژانە خواردنی چوار دەنک گازۆ ئەم گۆڕانکاریە سەرسوڕهێنەرانە بەسەر جەستەت دەهێنێت:
-پێست ڕەونەقدار دەکاتەوە، چونکە کانزای مس و دژەئۆکسانەکانی تێدایە.
-دەوڵەمەندە بە دژەئۆکسانەکان وەک لۆتین و زیاکسانسین، گرنگییەکی زۆریان بۆ پاراستنی تەندروستی چاو هەیە، زیاکسانسین تۆڕی چاو دەپارێزێت و چاو لە تیشکی سەرو بنەوشەیش دەپارێزێت.
-گازۆ بەرگری لەش بەهێز دەکات، چونکە سەرچاوەیەکی سەرەکی زینک و دژەئۆکسانەکانە.
-ڕۆژانە خواردنی گازۆ یارمەتی بەهێزبوونی ئێسکەکان دەدات و ڕێگری توشبوون بە نەخۆشی پوکانەوەی ئێسکەکان دەکات.
– خواردنی گازۆ بەشێوەیەکی ڕێکخراو ڕەونەق بە قژ دەبەخشێت و بەهێزی دەکات.
-ڕێگری لە کلۆربوونی ددان و دروستبوونی زیپکە دەکات، چونکە ترشە ئەمینیەکانی تێدایە ئەو بەکتریایانە دەکوژێت کە ئەو کێشانە دروست دەکەن.
-بەپێچەوانەی ئەو کەسانەی وابیردەکەنەوە ڕۆژانە خواردنی چەرەسات دەبێتە هۆی زیاد بوونی کێش، لەگەڵ ئەوەی گازۆ چەوری تێدایە بەڵام ڕۆژانە خواردنی چوار دەنک گازۆ بەشێوەیەکی ڕێکخراو یارمەتی دابەزاندنی کێش دەدات.