بەپێی هەواڵێکی ماڵپەڕی ” lebanon24″ پسپۆران ئاماژەیان بە دیارترین سوودەکانی سیر کردووە، بەم شێوەیە:
١. سیر بە یەکێک لە خۆراکە بەهێزەکان دادەنرێت کە یارمەتی بەهێزکردنی سیستەمی بەرگری جەستە دەدات، یارمەتی جەستە دەدات لە بەرەنگاربوونەوەی ڤایرۆس و بەکتریاکان و ئەگەری تووشبوون بە هەڵامەت و ئەنفلۆنزا کەمدەکاتەوە.
٢.خواردنی بەردەوامی سیر یارمەتیدەرە بۆ دابەزاندنی بەرزی پەستانی خوێن، ئەمەش ئەگەری تووشبوون بە نەخۆشییەکانی دڵ و جەڵتەی مێشک کەمدەکاتەوە.
٣. سیر یارمەتی دابەزاندنی ئاستی کۆلیسترۆڵی خراپ (LDL) دەدات لە خوێندا، ئەمەش تەندروستی دڵ بەرەوپێش دەبات و ئەگەری گیرانی خوێنبەرەکان کەمدەکاتەوە.
٤. بەهۆی تایبەتمەندی دژە هەوکردن و دژە چەورییەوە، سیر یارمەتی باشترکردنی سوڕی خوێن دەدات و ڕێگری لە مەینبوونی خوێن دەکات، بەم شێوەیەش دڵ دەپارێزێت.
٥. تایبەتمەندی دژە بەکتریا تێدایە، ئەمەش وایکردووە کاریگەر بێت لە چارەسەرکردنی هەوکردنی پێست و دەم و تەنانەت ڕیخۆڵەش.
٦.خواردنی سیر دەبێتە هۆی هاندانی کۆئەندامی هەرس و یارمەتی نەهێشتنی غازات و ئاوسانی گەدە دەدات، هەروەها ناڕەحەتی گەدە کەم دەکاتەوە.
٧. بەرەنگاریی شێرپەنجە دەبێتەوە، هەندێک لە توێژینەوەکان ئاماژە بەوە دەکەن کە سیر دژە ئۆکسانی تێدایە کە یارمەتیدەرە لە ڕێگریکردن لە هەندێک جۆری شێرپەنجە، وەک شێرپەنجەی گەدە و قۆڵۆن.