زراو بە شێوەیەكی ئاسایی زەرداو هەڵدەگرێت، كە جگەر بەرهەمی دەهێنێت و لە كاتی ژەمەكاندا ئازادی دەكات، بەبێ زراو ئەو زەرداوە بە بەردەوامی دەڕژێتە ناو ڕیخۆڵە باریكە.
كاریگەرییەكان لابردنی بەردی زراو :
1. گۆڕانكاری لە كۆئەندامی هەرس: دەكرێت هەرسكردنی چەوری كەمتر كارا بێت، بەتایبەتی دوای ئەو ژەمانەی چەورییان زۆرە.
2. لە هەندێك كەسدا دەبێتە هۆی ئاوسانی سك، غازات، یان سكچوون.
3. گەڕانەوەی زەرداو: ڕەنگە ژمارەیەكی كەم لە كەسەكان تووشی گەڕانەوەی زەرداو بۆ ناو گەدە ببن و ببێتە هۆی هەوكردنی گەدە یان نیشانەكانی هاوشێوەی دڵەكزێ.
4. سكچوون: هەندێك لە نەخۆشەكان تووشی سكچوونی سوكی درێژخایەن دەبن بەهۆی ڕۆیشتنی زیاتری زەرداو.
5. هەستیاری بە خۆراكی چەور : لە زۆربەی خەڵكدا، جگەر بەردەوامە لە درووستكردنی زەرداو، بۆیە هەرسكردن بە تێپەڕبوونی كات لە زۆربەی خەڵكدا خۆی دەگونجێنێت بەبێ ئەوەی كێشەی سەرەكی هەبێت.
(د. دیاری نیهاد – پزیشكی پسپۆری نەشتەرگەری گشتی)