زانایانی بواری زانستی بایەلۆجی لە پەیمانگای ASIP ی ویلایەتە یەکگرتووەکان توێژینەوەیەکان ئەنجامداوە، لەئەنجامی توێژینەوەکەدا دەرکەوتووە هێل ئەو ماددانەی تێدایە چارەسەری خانە شێرپەنجەییە سیانیە نەرێنیەکان دەکەن کە توشی سنگ دەبێت.
توێژینەوەکە ئەوەش دەخاتەڕوو شێرپەنجەی TNBC سیانی نەرێنی بە مەترسیدارترین شێرپەنجەی سنگ دادەنرێت، بەنزیکی %15ی ئەو خانمانەی شێرپەنجەی سنگیان هەیە تووشی ئەم جۆرە دەبن، ئەو خانمانەی تەمەنیان بچووکە و پێستیان ئەسمەرە ئەگەری توشبوونیان زیاترە.
ئەنجامی توێژینەوەکە جەخت لەوەش دەکاتەوە ماددەی کاردامۆنیی سروشتی کە لە هێلدا هەیە توانای ڕوبەڕووبوونەوەی خانە شێرپەنجەییە سیانیە نەرێنیەکانی سنگی هەیە و بەرگری لەش دژی توشبوون بەو نەخۆشیە بەهێز دەکات.