سەرچاوەیەک لە ئەنجومەنی هەماهەنگی ئاشکرای کرد، کۆبوونەوەی سەرکردەکانی ماڵی شیعی سبەینێ دووشەممە بەم تەوەرانە دەبێت:
١. دۆسیەی گرژیی عێراق و سعوودیە سەبارەت بە هێرشکردنە سەر بۆری نەوتی سعوودیه بە درۆن کە بەپێی بانگەشەی سعوودیەکان لە پارێزگای مەیسانەوە هەڵدراون.
٢. تەواوکردنی کابینەی حکوومەت و تاوتوێکردنی دۆخی چەند کاندیدێک بۆ وەزارەتە بەتاڵەکان و دەزگا سەربەخۆکان.
٣. دۆسیەی ئابووری وڵات و قەیرانی وزە و سووتەمەنی.
دەربارەی لێژنەی دانوستانکاری گرووپەکان:
· لێژنەی چوارگۆشە کە ئەنجومەنی هەماهەنگی پێکهێناوە (نوری مالیکی، هادی عامری، محەمەد شیاع سوودانی و هەروەها هەمام حەمودی) ڕاپۆرتێکی وردییان بە ئۆفیسی سەرۆکوەزیران عەلی زەیدی داوە.
· ڕاپۆرتەکە بەپێی داواکاری زەیدی ئامادەکراوە و چارەسەری پێشنیارکراو بۆ کۆتاییپێهێنانی دۆسیەی گرووپەکان و تۆمارکردنی چەک لەخۆدەگرێت.
· ڕاپۆرتەکە بە “زۆر گەورە” وەسف کراوە.
· دۆسیەی گرووپە چەکدارەکان یەکێکە لە هەستیارترین دۆسیەکانی بەردەم حکوومەتی عێراق، بە تێپەڕبوونی ٣٠ی ئەیلول کە وەک سنوور بۆ تۆمارکردنی چەک دیاری کراوە.
· هەندێک هێز ئامادەییان بۆ ڕێکخستنەوەی پەیوەندی سەربازی و ئەمنییان لەگەڵ دەوڵەت دەربڕیوە، بەڵام گرووپەکانی وەک کەتیبەکانی حیزبوڵا، بزووتنەوەی نوجەبا و کەتیبەکانی سەید شوهەدا ڕەتیانکردووەتەوە دەست لە تواناکانیان هەڵبگرن.
· ٣٠ی ئەیلول هاوکاتە لەگەڵ کۆتاییهاتنی ئەرکی سەربازیی هاوپەیمانی نێودەوڵەتی لە عێراق.