گوتەبێژی وەزارەتی بازرگانی عێراق رایگەیاند، عێراق لەبواری گەنم گەیشتووەتە ئاستی خۆبژێویی و پێویستییان بە هاوردەکردن نییە.
محەمەد حەنوون گوتەبێژی وەزارەتی بازرگانی عێراق بە میدیا عێراقییەکانی گوت، ئەو گەنمەی جووتیارەکانی عێراق بەرهەمی دەهێنن بەشی پێداویستیی وڵات دەکات و چی‌دیکە ناچارنین گەنم لە دەرەوەی وڵات هاوردەبکەن.
گوتەبێژی وەزارەتی بازرگانیی عێراق ئاماژەی بەوەشدا، هێشتا لە ژمارەیەک پارێزگا لەوانەش دیالە، کەرکووک و نەینەوا وەرگرتنی گەنم لە جووتیاران بەردەوامە و لەماوەکانی داهاتوودا سەرکەوتنی پرۆسەکە رادەگەیەنن.
ئاماژەی بەمەش کرد، وەزارەتی بازرگانی هەتا ئێستا دوو ملیۆن تۆن گەنمی لە جووتیاران وەرگرتووە و پێشبینی دەکەن تا کۆتایی پرۆسەی بە بازاڕکردنی گەنم ئەو بڕە بگاتە حەوت ملیۆن تۆن.
