دەستەی کۆمیسیارانی کۆمیسیۆنی باڵای هەڵبژاردنەکانی عێراق کۆنووسی تیروپشکی کاندیدەکان و ژمارە زنجیرەی لیستەکانی پەسەند کرد.
بەگوێرەی بەڵگەنامەی کۆمیسیۆن، دەستەی کۆمیسیاران رەزامەندی لەسەر لیستی ژمارە زنجیرەی هاوپەیمانییەکان داوە، کە بە “201- هاوپەیمانی دۆزی ئێزیدی” دەست پێدەکات و بە “346- ئەسوان کلدان” کۆتایی دێت.
هەروەها کۆمسیۆن بڕیاریدا بەڕێوەبەرایەتی هەڵبژاردنەکان راسپێرێت رێوشوێنی پێویست بگرێتەبەر و ئەو ژمارە زنجیرەی لیستانەی لەلایەن هاوپەیمانییەکان و لایەنە سیاسییەکان و تاک کاندیدەکانەوە دەستیان گرتووە لە رۆژنامە فەرمییەکان و لە سایتی کۆمسیۆن بڵاوبکاتەوە.