بەڕێوەبەرایەتی پۆلیسی پارێزگای هەولێر هاووڵاتییان ئاگادار دەکاتەوە کە فرۆشتنی بەنزین بە شێوەیەکی نایاسایی لەسەر شەقامەکان بە هەموو شێوەیەک قەدەغەیە.
بەپێی پشکنینی تاقيگە، ئەو ماددەیەی بە ناوی بەنزینەوە دەفرۆشرێت، لە ڕاستیدا تێکەڵەیەکە لە نەفتا و چەند ماددەیەکی ترو بڕێک بەنزین . ئەمەش هۆکاری سەرەکییە بۆ سووتانی ئۆتۆمبێل و دروستبوونی کارەساتی گەورە.
پۆلیسى پارێزگای هەولێر جەخت دەکاتەوە کە لەمەودوا هەرکەسێک ئەو کارە ئەنجام بدات، ڕووبەڕووی ڕێکاری ياسايى و لێپرسینەوە دەبێتەوە.