ئهڤرو روژا پێنجشهمبی رێكهفتی ٢٣ـێ ئهیارا ٢٠٢٤ـێ ب سهرپهرشتیا بهرێز ” شمعون شلیمون ایشو ” جێگرێ پارێزگارێ دهوكێ و ب ئامادهبونا دهڤهردارێن دهوك و سێمێل و نوینهرێن ساخلهمیێ و فیترنهریا دهوك و لایهنێن ئێمناهیێ كومبونهك لدور بهرهنگاربونا مهترسیا بهلافبونا تایا خوین بهربونێ و ئامادهكاریێن لایهنێن پهیوهندیدار ل روژێن جهژنا قوربانان هاته ئهنجامدان
د كومبونێ دا بهحسێ رێكخستنا پروسێسا سهرژێكرنا قوربانا ل روژێن جهژنا قوربانیا پیروزدا و رێنمایێن ساخلهمیێ وهكو بهرهنگاربونا نهخوشیا تایا خوینبهربونێ ل سنورێ پارێزگهها دهوكێ و ههمو ئهگهرێن بهربهلافبونا نهخوشیا ناڤبری و قهدهغهكرنا سهرژێكرنا قوربانا لناف تاخا و بازارا و بهر دهرگههێن مالا و قهدهغهكرنا ئینانا گوشتێ بێی باوهرنامه و مورا ساخلهمیێ هاتهكرن و دوپاتی لسهر وێ یهكێ ژی كر كو پێتفیه سهرژێكرنا قوربانان ل سهربرخانێن فهرمی بیت و تیمێن گهروك یێن سازین پهیوهندیدار بو پاراستنا گیانێ وهلاتیان ب تایبهت قهدهغهكرنا بهرمایكێن قوربانیان ل دهوروبهرێن باژێری و تاخان رولێ خو ب گێرن و چهند رێكارو رێنمایێن گرێدای بابهتێ كومبونێ هاتنه گفتوگوكرن.