ئەندامی خولی پێنجەمی پەرلەمانی کوردستان رایگەیاند، کە ئه‌وه‌ی به‌غدا ده‌یكات پێچه‌وانه‌ی یاسایه، گوشارێكی زۆری له حكوومه‌ت كردووه، له ناوخۆ ناڕه‌زایه‌تی و هاووڵاتییان دژی حكوومه‌ت هان ده‌دات، به‌مشێوه‌یه ده‌یه‌وێ بگات به‌وه‌ی كه ده‌یه‌وێت.
خەدیجە مزوری، ئەندامی خولی پێنجەمی پەرلەمانی کوردستان، بە ئاژانسی ھەواڵی زاگرۆسی راگەیاند:
هه‌رێمی كوردستان هێشتا به‌و مافانه‌ی خۆی نه‌گه‌یشتووه كه له ده‌ستووری عێراق باسیان لێوه كراوه و دیاری كراون، چونكه هیچ كام له حكوومه‌ته‌كانی به‌غدا تا ئێستا پابه‌ندی ده‌ستوور نه‌بوون، ئه‌وه‌شی ئێستا له لایه‌ن به‌غداوه به‌رانبه‌ر به هه‌رێم ده‌كرێت، سیاسه‌تێكی خراپ و هه‌وڵدانه بۆ لێدان له پێگه و قه‌واره‌ی هه‌رێمی كوردستان.
ئەندامی خولی پێنجەمی پەرلەمانی کوردستان گووتی: ئه‌وه‌ی به‌غدا ده‌یكات پێچه‌وانه‌ی یاسایه، گوشارێكی زۆری له حكوومه‌ت كردووه، له ناوخۆ ناڕه‌زایه‌تی و هاووڵاتییان دژی حكوومه‌ت هان ده‌دات، به‌مشێوه‌یه ده‌یه‌وێ بگات به‌وه‌ی كه ده‌یه‌وێت، رێكه‌وتنێك و یاسای بودجه هه‌یه، له سه‌روو ئه‌وه‌شه‌وه به‌غدا پابه‌ند نابێت و هه‌ر مانگه و به بیانووێك پاره‌ی هه‌رێم و مووچه دوا ده‌خات و ناینێرێت.
هەروەها خەدیجە مزوری، ئەندامی خولی پێنجەمی پەرلەمانی کوردستان ئەوەشی بۆ ئاژانسی ھەواڵی زاگرۆس خستەروو، کە به‌غدا به روونی دژایه‌تیی هه‌رێمی كوردستان ده‌كات، ده‌یه‌وێت دۆخێكی خراپ دروست بكات.
رێباز یونس