پۆلیسی هەولێر تۆمەتبارێكی دەستگیر كرد كە لە ماوەی رابردوودا چەندان خەڵكی هەڵدەخەڵەتاند بە بیانووی وەرگرتنی ڤیزە و ناردنیان بۆ وڵاتی ئەمەریكا.
پۆلیسی هەولێر رایگەیاند: دوای تۆمارکردنی سکاڵا، تیمەکانمان زانیارییان بەدەستهێنا و دەستیان بە لێکۆڵینەوەکان کرد، لە ئەنجامدا توانرا تۆمەتباری ناو هاتوو لە کاتی وەرگرتنی پارە لە یەکێک لە دادخوازەکان، دەستگیر بکرێت.
هەروەها رایگەیاند: تۆمەتبارەكە دانی ناوە بە تاوانەکەیدا، بۆیە بە بڕیاری دادوەری لێکۆڵینەوە و بەپێی ماددەی 456 لە یاسای سزادان، ڕادەستی دادگا کراوە.
پۆلیسی هەولێر داواشی لە سەرجەم ئەو هاووڵاتییانە كرد کە لەلایەن تۆمەتبارەوە فێڵیان لێ کراوە، سەردانی بەڕێوەبەرایەتیی پۆلیسی پارێزگای هەولێر بکەن، بە خستنەڕووی بەڵگەکانیان سکاڵا تۆمار بکەن.