بەهۆی رووداوێكی هاتوچۆ لە رێگایی نێوان كەركووك بۆ هەولێر، چوار ئەندامی یەك خێزان گیانیان لە دەست دا.
رووداوەكە بە دیاریكراوی لە نزیك بازگەی دارەمان بووە، لە نێوان دوو ئۆتۆمبێل كە یەكێك لە ئۆتۆمبێلەكان بارهەڵگر بووە.
بەپێی ئەو زانیاریانەی کە دەست ئاژانسی هەواڵی زاگرۆس کەوتووە، ئەو رووداوە كە هێشتا ئۆتۆمبێلەكان لەوێن چوار ئەندامی خێزانێك گیانیان لە دەست داوە كە سەرجەمیان سەرنشینی ناو ئۆتۆمبێلی جۆری میستۆربۆشی بووە.
ئەو کەسانەی گیانیان لەدەستداوە خەڵکی بەغدان، ناوی دووانیان ئیبراهیم سەباح و هودا عەبدوللەتیف ئەحمەد کە هاوسەری یەکدین و تەمەنیان لە دەوروبەری 50 ساڵدان، و دوو قوربانیەکەی تریش مندالی ئەو دوو هاوسەرەن.
بازگەی دارەمان دەکەوێتە سەر رێگەی کەرکووک – هەولێر. بەپێی زانیارییەکانی ئاژانسی هەواڵی زاگرۆس، ئۆتۆمبێلە پیکەبەکە خۆی کێشاوە بە بارهەڵگرەکەدا.
رێباز یونس