بۆ دووڤ چونا قوناغێن دوماهیێ یێن بجهئینانا پرۆژێ پاركێ سهرهلدان ئهڤرۆ ئێڤارى رۆژا ئێك شهمبى 13/تیرمهها / 2025 ێ بهرێز ” د.عهلى تهتهر” پارێزگارێ دهۆكێ سهرا پاركێ ناڤبرى ل تاخێن بهروشكێ وسهرهلدان ل باژێرێ دهۆكێ دا ژلایێ ئهندازیارێن سهرپهرشت پێشوازى لێ هاته كرن .
پارێزگارێ دهۆكێ گهریانهك ل ناڤ پشكێن پرۆژهى كر وژنێزیك سهحكره قوناغێن دوماهیێ یێن بجهئینانێ ودهست خۆشى ل تیمێن كارى كر ودوپات كر كۆ دڤێت پرۆژێ پاركێ سهرهلدان ل دووڤ پیڤهرێن ئهندازیارى وشارستانى ول دهمێ دهست نیشانكرى بهێته ئهنجامان وب زۆترین دهم ب كهڤیته دخزمهتا خهلكێ باژێرێ دهۆكێ دا .
ههژى گوتنێ یه پاركێ سهرهلدان ل سهر روبهرێ (48) دونهمێن ئهردى هاتیه دورستكرن ودكهڤیته رۆژههلاتێ دهۆكێ و پێك دهێت ژباخچه ونافوره وجهێن بێهنڤهدانا ویاریێن زاروكا و جهێن هاتن وچونێ وخارنگهه وكوشك وشانوگهریا رومانى وگهلهك پێدڤیێن دى ودێ رویهكێ جوان وشارستانى دهته باژێرێ دهۆكێ وههتا نوكه 95% هاتیه بجهئینان.