دوای ئەوەی ژمارەیەک هاوڵاتی سنوری شارەدێی وەرتی لەسنوری قەزای ڕواندوز لەشەوی ١٤ی تەموز بۆ مەبەستی داواکردنی چەند خزمەتگوزاریەکی وەک ئاوو کارەبا دێنە سەرشەقام و گردبونەوە ئەنجام دەدەن دواتر بۆ مەبەستی بڵاوە پێکرنیان لەلایەن هێزێکی ئاسایشی ناوچەکەکە تەقەیان بەسەردا دەکرێ و دەبێتە هۆی کوژرانی هاوڵاتیەک و بریندار بونی سێ هاوڵاتی تر.
دەستەکەمان لەنریکەوە بەدوا داچونی بۆ ڕووداوەکە کردو
دوای پەیوەندی کردن و بەدوا داچونیش بۆ وەرگرتنی زانیاری زیاتر لە لایەنە پەیوەندیدارەکانی ناوچەکە بەڵام تا ئێستا هیچ وەلام و زانیاریەکیان لەسەر ڕووداوەکە بڵاو نەکردۆتەوە.
دەستەی سەربەخۆی مافی مرۆڤ بەتوندی ئیدانەی بەکارهێنانی چەک و کوشتنی ئەو هاوڵاتیە دەکەین و بەداخەوەین بۆ ئەو ڕووداوە ، وە لێرەوەش ڕایدەگەیەنین نابێ دەزگای ئەمنی چەک بەکاربینن بەرامبەر خەڵک بەهیچ شێوەیەک چونکە ئەرکیان پاراستنی سەروماڵی گشتی و هاوڵاتیانە.
پێویستە هەرچی زووە تۆمەتبار ڕادەستی یاساو دادگا بکرێ و بە سزای خۆی بگات
وە پشتیوانی هەر داواکاری و گردبونەوەیەک دەکەین بۆ دابین کردنی مافی هاوڵاتیان کەداوای دەکەن لەچوارچێوەی یاساو ڕێنماییەکان و پێویستە هەرچی زووە بەدوا داچونیش بۆ داواکاریەکانی ئەو خەڵکە بکرێ.
وەک دەستەش بەردەوام دەبین لەچاودێری کردنی ڕووداوەکەو بەدوا داچونی ئاکامەکانی .
دەستەی سەربەخۆی مافی مرۆڤ لەهەرێمی کوردستان
١٤ی تەموزی ٢٠٢٥