ل ژێر درووشمێ “ژینگهها دهۆكێ مالا مه ههمیانه”، ئەڤڕۆ پێنجشەمبی، ب بڕیارا مەسرور بارزانی، سەرۆکێ حکوومەتا هەرێما کوردستانێ و ب چاڤدێریا پارێزگارێ دهۆکێ، پێنج ڕێڤەبەرییێن خزمەتگوزاری هەوەکا بەرفرهەهـ یا پاقژکرنێ ل دەوروبەرێن بەنداڤا دهۆکێ ئەنجامدا.
د ڤێ هەوێ دا کو ب مەرەما پاراستنا ژینگەی و پاقژڕاگرتنا جهێن گەشتیاری هاتیە ڕێکخستن، هەر پێنج ڕێڤەبەرییێن (بەنداڤا دهۆکێ، سولینێن دهۆکێ، ئاڤا دهۆکێ، ئاڤا دەوروبەرێن دهۆکێ، و ئاڤدێرییا دهۆکێ) ب ستاف و فەرمانبەرێن خۆ ڤە و ب هەماهەنگی دگەل کۆمپانیا “البیئة” یا پاقژکرنێ پشکدار بوون.
ل دۆر ئارمانجا ڤێ هەوێ، لژنەیا سەرپەرشت ڕاگەهاند کو ئەڤ هەوژە ل سەر ڕاسپاردەیا سەرۆکێ حکوومەتێ یە بۆ گرنگیدان ب ژینگەی، ب تایبەت ل وان جهێن کو وەلاتی بۆ گەشت و سەیرانان قەستا دکەن.
د دویماهییا هەوێ دا، لایەنێن پەیوەندیدار داخواز ژ وەلاتی و گەشتیاران کر کو ل دەمێ چوونا وان بۆ سەیرانان، ب هەستەکێ بەرپرسانە سەرەدەریێ دگەل سروشتی بکەن و پابەندی ڕێنماییێن ژینگەپارێزیێ بن، دا کو ژینگەکا پاقژ و ساخلەم بۆ هەمییان بمینیت.