بەڕێوەبەری سامانی ماسی لە وەزارەتی کشتوکاڵی هەرێمی کوردستان ڕایگەیاند، بەپێی بڕیاری پێشوو، ڕۆژی 15ی حوزەیران دوایین ڕۆژی قەدەغەکردنی ڕاوکردنی ماسییە.
بیستون نەجمەدین، بەڕێوەبەری سامانی ماسی، ئاماژەی بەوەش کرد، لە ڕۆژی 16ی حوزەیرانەوە ڕاوکردنی ماسی بە شێوەیەکی ئاسایی دەستپێدەکاتەوە.
هاوکات جەختی لەوە کردەوە کە بەکارهێنانی ئامرازەکانی وەک (کارەبا، ژەهر، ماددەی کیمیایی، ڕۆمانە و تۆڕی کونور) بۆ ڕاوکردن بە تەواوی قەدەغەیە.