ڕەنگی جلوبەرگەکانت چۆن کار دەکاتە سەر دەروون و ئامادەییت؟

ئایا دەزانیت ڕەنگی جلوبەرگەکانت لەوانەیە کاریگەریی ڕاستەوخۆیان لەسەر باری دەروونیت هەبێت؟
نادین خەلیل، ڕاهێنەری لوبنانی لە بواری تەندروستی و خۆشگوزەرانی و خاوەنی هەژماری “wellnessbynadine” لەسەر تۆڕی کۆمەڵایەتیی ئینستاگرام، ڕوونی دەکاتەوە کە هەر ڕەنگە و لەرەلەرێکی تایبەت بە خۆی هەیە، کە دەکرێت ڕەنگدانەوەی لەسەر دۆخی دەروونی و مەزاجی مرۆڤ هەبێت.
بۆ نموونە، پۆشینی ڕەنگی کرێمی دەکرێت هەستێکی زیاتری ئارامی و ئاشتیمان پێ ببەخشێت بە بەراورد بە دەرکەوتنێک کە ڕەنگی ڕەش بەسەریدا زاڵ بێت.
نادین خەلیل لە چاوپێکەوتنێکدا لەگەڵ ماڵپەڕی “CNNـی عەرەبی ئاماژەی بەوە کرد: “ڕەنگەکان تەنیا توخمێک نین لە جیهانی دیزاین و پۆشاکدا یان تەنیا هۆکارێک بن بۆ هاوشانبوون لەگەڵ مۆدێل و فاشن، بەڵکو گوزارشت لەو لەرەلەرە دەکەن کە مرۆڤ بۆ جەستە و هێڵە وزەیییەکانی دەوروبەری خۆی هەڵی دەبژێرێت.”