کەشناسیی هەرێم کەشوهەوای ئەمڕۆ و سبەی راگەیاند؛ گەرمیان بەرزترین پلەی گەرما تۆمار دەکات

بەڕێوەبەرایەتیی گشتیی کەشناسی و بومەلەرزەزانیی هەرێمی کوردستان پێشبینییەکانی کەشوهەوای بۆ هەردوو رۆژی هەینی و شەممە راگەیاند و بەپێی پێشبینییەکان، ئاسمان ساماڵ و پەڵەهەور دەبێت و پلەکانی گەرماش جێگیر دەبن.

کەشوهەوای ئەمڕۆ هەینی (11–09–2026):

کەشناسی ئاماژەی بەوە کردووە کە ئاسمانی ناوچەکانی هەرێم بە شێوەیەکی گشتی لە زۆربەی کاتەکاندا ساماڵ دەبێت و لە هەندێک کات دەگۆڕێت بۆ ساماڵ و پەڵەهەور. خێرایی با لەسەرخۆ بۆ مامناوەند دەبێت لەنێوان (15 بۆ 25) کم لە کاتژمێرێکدا و ئاراستەکەشی لە باکووری خۆرئاواوە بەرەو باکووری خۆرهەڵات دەبێت. مەودای بینین لەنێوان (8 بۆ 10) کم دەبێت و پلەکانی گەرماش بەراورد بە تۆمارەکانی دوێنێ کەمێک بەرز دەبنەوە.

بەرزترین پلەکانی گەرمای پێشبینیکراوی ئەمڕۆ هەینی:

• هەولێر: 37 پلەی سیلیزی

• سلێمانی: 37 پلەی سیلیزی

• دهۆک: 38 پلەی سیلیزی

• هەڵەبجە: 37 پلەی سیلیزی

• گەرمیان: 42 پلەی سیلیزی

• چەمچەماڵ: 39 پلەی سیلیزی

• زاخۆ: 38 پلەی سیلیزی

• ئاکرێ: 37 پلەی سیلیزی

• پیرمام: 35 پلەی سیلیزی

• حاجی ئۆمەران: 28 پلەی سیلیزی 

کەشوهەوای سبەی شەممە (12–09–2026):

سەبارەت بە رۆژی شەممە، کەشناسی پێشبینی دەکات ئاسمان ساماڵ بێت و لە هەندێک کاتدا بگۆڕێت بۆ پەڵەهەور. با بە خێرایی (15 بۆ 25) کم لە کاتژمێرێکدا بە ئاراستەی باکووری خۆرهەڵات چالاک دەبێت. هاوکات مەودای بینین (8 بۆ 10) کم دەبێت و پلەکانی گەرماش نزیک دەبنەوە لە تۆمارەکانی ئەمڕۆ.

بەرزترین پلەکانی گەرمای پێشبینیکراوی سبەی شەممە:

• هەولێر: 37 پلەی سیلیزی

• سلێمانی: 37 پلەی سیلیزی

• دهۆک: 39 پلەی سیلیزی

• هەڵەبجە: 37 پلەی سیلیزی

• گەرمیان: 42 پلەی سیلیزی

• چەمچەماڵ: 37 پلەی سیلیزی

• زاخۆ: 38 پلەی سیلیزی

• ئاکرێ: 38 پلەی سیلیزی

• پیرمام: 35 پلەی سیلیزی

• حاجی ئۆمەران: 29 پلەی سیلیزی