وەزارەتی گواستنەوە و گەیاندنی حکومەتی هەرێمی کوردستان ڕایگەیاند، لەڕێگەی بەڕێوەبەرایەتیی یاسایی وەزارەتەکەیانەوە دەستیان بە بەدواداچوونی ورد کردووە بۆ چارەسەرکردنی کێشەی نێوان چەند کارمەندێک و کۆمپانیایەکی مۆڵەتپێدراوی بواری دیلیڤەری.
ئەمڕۆ چوارشەممە، 23ی ئەیلوولی 2026، لە ڕاگەیەندراوێکدا کە ئاڕاستەی ڕای گشتی کراوە، بەڕێوەبەرایەتیی ڕاگەیاندنی وەزارەتی گواستنەوە و گەیاندن ئاماژەی بەوە داوە کە لە نزیکترین کاتدا بەپێی یاسا و ڕێنماییە بەکاربەرهاتووەکان مامەڵە لەگەڵ کەیسەکاندا دەکەن.
لەکۆتایی ڕاگەیەندراوەکەدا وەزارەتی گواستنەوە جەختی کردۆتەوە کە پاش تەواوبوونی رێکارە یاساییەکان، ئاکامی بەدواداچوونەکان و ئەنجامی یەکلاییکردنەوەی کەیسەکە بۆ ڕای گشتی دەخەنە ڕوو.