د بەردەوامییا کاروانێ ئاڤەدانیێ و پێشئێخستنا ژێرخانیا ڕێکۆبانا ل هەرێما کوردستانێ، کارێن تەمامکرنا پڕۆژێ چێکرنا جوتسایدێ شێخان بۆ باعدرێ گەهشتینە قۆناغێن دوماهییێ و بڕیارە ل نێزیک بکەڤیتە د خزمه‌تا گشتی یا هاووڵاتییان و شوفێران دا.
ئەڤ پڕۆژە ب درێژاهیا پتر ژ ٨ کیلۆمەترا و لسەر بودجێ پارێزگەها دهۆکێ هاتیە جێبەجێکرن. ل ڤێ گاڤێ ڕێژا ئەنجامدانا کاران گەهشتیە ٩٩% و تەنێ کارێن هێلکرنێ و دەستنیشانکرنا هێمایێن هاتنوچۆنێ ل قۆناغێن دوماهییێ دانە.
ئەڤ ڕێکە ژمارەکا گوند و دەڤەرێن سەرەکی یێن وێ دەڤەرێ بخۆڤە دگریت و ب ئێکڤە گرێددەت. تەمامبوونا ڤی جوتسایدی سڕا هێسانکارییەکا مەزن د هاتنوچۆنا هاووڵاتییان دا و کێمکرنا قەرەبالغی و ڕوودانێن هاتنوچۆنێ، دێ بیتە ڕێخۆشکەر و دەرگەهەک بۆ دەستپێکرنا چەندین پڕۆژێن دی یێن خزمه‌تگوزاری و ئاڤەدانیێ ل دەڤەرێ.