ئەمڕۆ چوارشەممە 2026/11/11، بەڕێز نێچیرڤان بارزانی، سەرۆکی هەرێمی کوردستان و بەڕێز ئەحمەد ئه‌لشەرع، سەرۆکی کۆماری عەرەبیی سووریا، لە پەراوێزی لووتکەی ئاووهەوا لە ئەنتالیای تورکیا، دیدارێکیان ئه‌نجام دا.
تیایدا، پەیوەندییەکانی سووریا لەگەڵ عێراق و هەرێمی کوردستان، پەرەپێدان و فراوانکردنی بوارەکانی هاریکاری و هەماهەنگی، بە جۆرێک لە خزمەت بەرژەوەندییە هاوبەشەکاندا بێت، تاوتوێ کران.
ده‌رباره‌ی ڕەوشی ناوچەکە، هەردوولا جەختیان لە گرنگیی گفتوگۆ و ڕێگەچارەی ئاشتییانە و دیپلۆماسی بۆ چارەسەرکردنی کێشە و ئاڵۆزییەکان کردەوە.
دۆخی کورد لە سووریا ته‌وه‌رێکی دیکه‌ی دیداره‌که بوو. تیایدا سەرۆک نێچیرڤان بارزانی جەختی لە گرنگیی پاراستنی مافه‌کانی کورد و دەستەبەرکردنیان له دەستووری سووریادا کردەوە. به‌ڕێزیان هه‌روه‌ها هیوای خواست سه‌رۆک ئه‌لشه‌رع له داهاتوویه‌کی نزیکدا سه‌ردانی به‌غدا و هه‌ولێر بکات.
چەند پرسێکی دیکەی جێی بایەخی هاوبەش، تەوەرێکی دیکەی دیداره‌که بوو.