گوتەبێژی وەزارەتی دەرەوەی ئێران وڵامی لێداوانی لووتکەی ناتۆ دەداتەوە. رێکخراوی سەربازیی ناتۆ دەڵێت ئێران بە ناردنی مووشەک و درۆن بۆ رووسیا ئاگری شەڕی دژ بە ئۆکرانیا خۆش دەکات.
ناسر کەنعانی گوتەبێژی وەزارەتی دەرەوەی ئیران دەڵیت: ئەوەی لە ئۆکرانیا ڕوو دەدات، ئەنجامی سیاسەت و هەنگاوەکانی ناتۆ بە سەرکردایەتیی ئەمریکایە و هەرچەشنە پێوەندیدانێکی ئێران بەو شەڕەوە پاڵنەری سیاسیی لە پشتە و بۆ ئەوەیە ڕەوایی بە ناردنی چەکی وڵاتانی ڕۆژئاوایی بۆ ئۆکرانیا بدەن.
کەنعانی دەڵێت:، لە کاتی ئەو شەڕەدا ئێران هیچ درۆنێکی بە ڕووسیا نەداوە و هەوڵیشی داوە ئەم قەیرانە لە ڕێگەی سیاسی و بە شێوەی ئاشتییانە چار بکرێت.
هەواڵی پێشوو