ئاگادارییەك لە وەزارەتی داراییەوە لەبارەی وەرگرتنی باج

وەزارەتی دارایی و ئابووریی حكوومەتی هەرێمی كوردستان، ئاگادارییەكی لەبارەی وەرگرتنی باج لە هاووڵاتیان، بڵاو كردەوە.

ئەمڕۆ یەكشەممە 28/7/2024، وەزارەتی دارایی و ئابووری ئاگادارییەكی بڵاو كردووەتەوە، تێیدا ئاماژە بەوە دراوە، بەڕێوەبەرایەتیی گشتیی باجەكان و خانووبەرەی میری، تەنیا لە وەرگرتنی ئەم جۆرە باجانەی لە خوارەوە ئاماژەیان پێدراوە، بەرپرسیارە و وەرگرتنی هەر بڕە پارەیەک بە ناوی باج لە هاووڵاتیان، جیا لەوانە ئێمە لێی بەرپرسیار نین:

1 – باجی كۆمپانیاكان: ئەم باجە لە قازانجی ئەو كۆمپانیایانە وەردەگیرێت، كە لە ئەنجامی چالاكییان لە هەرێمی كوردستان بەدەستیان هێناوە بە ڕێژەی 15% بەپێی یاسای باجی دەرامەت ژمارە 113 ساڵی 1982ى هەمواركراو.

2 – هیچ باجێك ناكەوێتە ئەستۆی كۆمپانیا ئەگەر قازانجی نەكردبێت.

3 – كۆمپانیاكان لە پڕۆژەكانی وەبەرهێنان بۆ ماوەی 10 ساڵ لە باج دەبەخشرێن، لە ڕێكەوتی پێشكەشكردنی خزمەتگوزارییەوە.