ئەمڕۆ چوارشەممە، فەرماندەیی ئۆپەراسیۆنەکانی بەغدا وردەکاریی ئەو زانیارییانەی ئاشکرا کرد، کە لە بارەی دەستدرێژی سێکسی بۆ سەر دوو کچ لە گەڕەکی تاریق لە ڕۆژهەڵاتی بەغدا بڵاوبوونەتەوە و ئاماژەی بەوەدا کە شەڕ و پێکدادانێک لەو ناوچەیە ڕوویداوە کە پەیوەندی بەو تۆمەتەوە هەیە و دوو تۆمەتبار دەستگیر کراون.
فەرماندەیی ئۆپەراسیۆنەکانی بەغدا لە بەیاننامەیەکدا ڕایگەیاند، ڕاستەوخۆ دوای گەیشتنی زانیاری کە لە ناوچەی “گەڕەکی تاریق” لە ڕۆژهەڵاتی بەغدا شەڕ و پێکدادان هەبووە، هێزێکی فیرقەی پێنجی پۆلیسی فیدراڵی چوونەتە شوێنی ڕووداوەکە.
لە ڕگەیاندراو، شەڕ و پێکدادانێک لە ئەنجامی هەوڵدان بۆ دەستدرێژیکردنە سەر دوو کچی تەمەن پێنج ساڵ ڕوویداوە، هەروەها دوو تۆمەتبار دەستگیرکراون و ڕادەستی لایەنی پەیوەندیدار کراون بۆ تەواوکردنی ڕێکارە یاساییەکانی دژیان.