ئەمڕۆ چوارشەممە، لە هێرشێکی چەکدارە ناوخۆییەکان کە ناوچەکانی ژێر کۆنترۆڵی هێزەکانی سوریای دیموکرات “هەسەدە” یان کردە ئامانج و سێ هاووڵاتی مەدەنی کوژران و 15ـی دیکەش برینداربوون.
ڕوانگەی سووری بۆ مافەکانی مرۆڤ ڕایگەیاند، کۆمەڵێک چەکداری ناوخۆیی، بەتۆپ و گوللـە هاوەن، هێرشیان کردووەتە سەر پێگەکانی هێزەکانی سووریای دیموکرات لە ڕۆژهەڵاتی فورات لە لادێکانی دێرەزور.
ڕوانگە ئاماژەی بەوەش دا، لە دوای نیوەی شەوی ڕابردوو، شەڕ و پێکدادانی توند لە نێوان هێزەکانی ئەنجوومەنی دێرەزور و گرووپە هێرشبەرەکان لە دەوروبەری گوندەکانی زیبان و ئەللاتوە و ئەبو حەمام ڕوویداوە.
بەگوێرەی ڕاپۆرتی ڕوانگە، هێزەکانی سووریای دیموکرات قەدەغەی هاتووچۆی تەواوەتی لە شارۆچکەکانی غەرانیج، ئەلکشکیە و ئەبو حەمام لە لادێکانی دێرەزور سەپاندووە.