ئەندامێکی پەرلەمانی ئاڵمانیا دەڵێت کۆماری ئیسلامیی ئێران تەنیا چەند حەفتەی ماوە دەستی بە چەکی ئەتۆمی رابگات.
ڕۆدریش کیزە وۆتر، ئەندامی کۆمیتەی پەیوەندییەکانی دەرەوەی پەرلەمانی ئاڵمانیا دەڵێت، بەرلین دەبێت واز لەو هیوایە بهێنێت کە کۆماری ئیسلامیی ئێران چاوپۆشی لە دەستڕاگەیشتن بە چەکی ئەتۆمی بکات و پلانەکانی بەرهەمهێنانی چەکی ئەتۆمی به‌لاوە بنێت.
ئەم ئەندامەی پەرلەمانی ئاڵمانیا جەختی کردەوە، بەرنامە ئەتۆمییەکەی ئێران بە خێرایی دەچێتە پێش و تاران تەنیا چەند حەفتەیەکی ماوە بۆ ئەوەی ببێتە هێزێکی ئەتۆمی.
