ب ئاماده‌بوونا پارێزگارێ دهۆكێ قه‌ره‌بوویا (103)ێ خێزانێن چار گوندێن ده‌ڤه‌را ئامێدیێ ئه‌وێن ژئه‌نجامێ شه‌رێ په‌كه‌كێ وله‌شكرێ تركى زیانگه‌هشتینێ هاته كرن.
ئه‌ڤرۆ نیڤرۆ رۆژا سێشه‌مبى 13/ته‌باخا /2024 ێ ل هولا ده‌ڤه‌رداریا ئامێدیێ ب ئاماده‌بونا د.عه‌لى ته‌ته‌ر پارێزگارێ دهۆكێ و وارشین سه‌لمان ده‌ڤه‌ردارێ ئامێدیێ وچه‌ند به‌رپرسێن ئیدارى وحزبى و هاوڵاتیێن زیانڤێكه‌فتى رێ ورسمێن قه‌ره‌بوكرنا (103) ێ خێزانێن گوندێن (گوهه‌رزێ – سه‌رگه‌لێ – به‌ڵاڤه – به‌رچێ ) ل سنورێ ده‌ڤه‌رداریا ئامێدیێ هاتنه گێران.
پارێزگارێ دهۆكێ دپه‌یڤه‌كێدا سلاڤ ورێزێن جه‌نابێ سه‌روك مسعود بارزانى وبه‌رێز مه‌سرور بارزانى سه‌روكێ حكومه‌تا هه‌رێما كوردستانێ گه‌هاندنا به‌رهه‌ڤبویا وخه‌مباریا خۆ دیاركر هه‌مبه‌ر وان زه‌ره‌ر وزیانێن ژ ئه‌نجامێ شه‌رێ په‌كه‌كێ وله‌شكرێ تركى گه‌هشتینه خه‌لكێ ده‌ڤه‌رێ ودوپات كر كو هه‌موو زیانڤێكه‌فتى ل دووڤ به‌رنامه‌كێ رێك وپێك دێ هێنه قه‌ره‌بوكرن وهیڤى خاستن ئه‌ڤ نه‌هامه‌تى ونه‌خوشیه ل سه‌ر هاوڵاتیێن ده‌ڤه‌رێ ب دوماهى بهێن وهه‌موو چه‌كدارێن نه‌یاسایى ده‌ڤه‌رێ چولكه‌ن بۆ وێ یه‌كێ حكومه‌تا هه‌رێما كوردستانێ ده‌ست ب ئاڤادانكرنا هه‌موو گوندێن ده‌ڤه‌رێ بكه‌ت وخه‌لكێ وان گوندا ڤه‌گه‌رنه سه‌ر جه ووارێن خۆ وژیانه‌كا ئاسایى ده‌ربازكه‌ن .