کەرتی تەندروستیی غەززە ئاماری نوێی کوژراوانی غەززەی بڵاوکردەوە و تێیدا هاتووە، بەهۆی شەڕی نێوان ئیسرائیل و حەماس، لە 24 کاتژمێری يابردوودا 34 کەس کوژراون.
بە گوێرەی ئەم هەواڵە ژمارەی کوژراوانی غەززە لە 7ـی ئۆکتۆبەری ڕابردووەوە گەیشتە 41 هەزار و 118 کەس و 95 هەزار و 125 کەسی دیکەش بریندارن.
شەڕی ئیسرائیل و حەماس لە ساڵێک نزیک دەبێتەوە و بزوتنەوەی حەماسیش دەڵێت، ئامادەن ئاگربەست ڕاگەیێنن، بەڵام دەبێت بەگوێرەی پێشنیاری پێشووی ئەمەریکا بێت و سوپای ئیسرائیل لە غەززە بکشێتەوە.
ئسیرائیلیش لەم دواییانەدا بڵاوی کردووتەوە، ئامادەیە ڕێڕەوێک بۆ دەرچوونی “یەحیا سینیوار”ی سەرۆکی حەماس و لایەنگرانی لە غەززە بکاتەوە و دەشڵێت نابێت حەماس لە غەززە بمێنیت پێویستە سیستەمێکی دیکە ئەم کەرتەی فەلەستین بەڕێوە ببات.