ڕێکخراوێکی مافی مرۆڤ ئاشكرای دەكات، لە چوار ساڵی ڕابردوودا 358 هەزار حاڵەتی جیابوونەوەی هاوسەران لە عێراق تۆمارکراوە.
فازڵ غەراوی، سەرۆکی ناوەندیی ستراتیژیی بۆ مافەکانی مرۆڤ، بۆ میدیای عێراقی ڕایگەیاند: “لە ماوەی چوار ساڵی ڕابردوودا، جگە لە هەرێمی کوردستان، 357 هەزار و 887 حاڵەتی جیابوونەوە لە عێراقدا تۆمارکراوە.”
لە مانگی نیسانی ئەمساڵدا، ئەنجوومەنی باڵای دادوەریی عێراق ڕایگەیاند، حاڵەتەکانی جیابوونەوەی هاوسەران لە عێراق زیادیکردووە و تەنیا لەماوەی یەک مانگدا، رۆژانە 200 حاڵەتی جیابوونەوە تۆمارکراوە.