سەرۆکی لیژنەی تەندروستيی پەرلەمان، ئاشكراى دهكات، عێراق بەدەست زیادەیەکی زۆر له ژمارهى پزیشک و دەرمانساز بە ڕێژەی 200% دەناڵێنێت.
د. ماجد شەنگالی، سەرۆکی لیژنەی تەندروستيی پەرلەمان لە ڕاگهیاندراوێكدا، ئاشكراى كرد: “عێراق بەدەست زیادەیەکی زۆرەوە دەناڵێنێت لە ژمارەی دەرمانسازەکان کە لەسەدا 200 تێدەپەڕێنێت، هەروەها زیادبوونی هاوشێوەی ئەم ژمارەیە لە ژمارەی پزیشکی ددان و زانستییهكان و یاریدەدەرانی تاقیگەدا هەیە“. ”
ڕوونیشی کردەوە کە “له بهرانبهردا كێشه له کەمیی ژمارهى کارمەندانی پەرستاری و کارگێڕی و پزیشکان لە زۆرێک لە پسپۆڕییەکاندا هەیە“.
د. ماجد شهنگالى له درێژهى لێدوانهكهیدا، گوتی: “حکوومەت کار لەسەر هاوبەشیکردن لەگەڵ کەرتی تایبەت دەکات، لهو چوارچێوهیهدا کۆمپانیایەکی ئیتاڵی توێژینەوەیەکی بۆ نەخۆشخانەیەکی ناوخۆیی ئەنجامداوە کە لە کۆی 200 کەسی ئامادەبوو، تەنها داواى حەوت دەرمانسازیان کردووە و ئەم زیادەیەش لە ژمارەدا پێچەوانەی کەمیی ژمارهى پسپۆڕییە پزیشکییەکانی دیکەیە، وەک پزیشکی فریاگوزاری، پزیشکی دادوەری، و نەشتەرگەری مێشک و سنگ“.
ئاماژەی بەوەش کرد، “لیژنەکەمان كار دهكات بۆ دامەزراندن لە دامەزراوەکاندا بەپێی پێویستی و بەپێی ئەو پسپۆڕیانەی کە پێویستن بۆ چارەسەرکردنی ئەو زیادە گەورەیە لە ژمارەدا“.