لە یارییەکانی گەڕی 14ی خولی نایابی ئینگلتەرا، یانەی مانچستەر سیتی لە ئیتیحاد ڕووبەڕووی نوتينگهام فورێست بوویەوە.
لە کۆتاییدا سیتیزنی خاوەن یاریگا توانی بە سێ گۆڵی بێبەرامبەر شکست بە نۆتینگهام بهێنێت.
لە تایمی یەکەمدا، مانسیتی باشتر دەرکەوت و توانی دوو گۆڵی لە خولەکەکانی 8 و 31 لە ڕێگەی هەریەکە لە یاریزانان بێرناردو سیلڤا و دی بڕۆین تۆماربکات، دوای ئەوە چەندین هەوڵی تر درا بەڵام یارییەکە بەو دوو گۆڵە مایەوە.
لە دووەم تایمدا، خاوەن یاریگا بەردەوامبوو لە ئاستە بەرزەکەی و لە خولەکی 57دا دۆکۆ گۆڵی سێیەمی تۆمارکرد، دوای ئەوە هەردوو یانە چەندین هەوڵیاندا بۆ تۆمارکردنی گۆڵی تر، بەڵام هیچکامیان سەرکەوتوونەبوون و یارییەکە بەو شێوەیە کۆتاییهات.
بەم ئەنجامە، مانچستەر بووە خاوەنی 26 خاڵ و لە پلەی چوارەمدایە، نۆتینگهامیش بە 22 خاڵ لە پلەی حەوتەمە.