سبەی یەک شەممە لە یاریەکانی گەڕی یانزەی خولی نایابی کوردستان سێ یاری بەڕێوەدەچن و تیپە زلهێزەکانی خولەکە دەکەونە ئاڵەنگاری یەکتری لە پێناو وەدەست خستنی سێ و خاڵی یاریەکە هەموو یاریەکان کاتژمێر 2:00ی پاش نیوەڕۆ بەڕێوە دەچن.
لە یاریەکی بەهێزدا یانەی هەولێری پایتەخت لەنێو مەیدان و جەماوەری لە یاریگای شەهید فڕانسۆ هەریری میوانداری یانەی پیشەسازی دەکات،کە لەم وەرزەدا یانەی پیشەسازی بە ئاستێکی بەرز دەردەکەوێ و خاوەنی 15 خاڵە و پلەی پێنجەمی گرتووە،هەرچی یانەی هەولێریشە خاوەنی 10 خاڵە و پلەی دەیەمی گرتووە.
یاری دووەمی سبەی یانەی شەقڵاوا لەنێو یاریگای خۆی میوانداری یانەی ڕزگاری دەکات،شەقڵاوە ئەم وەرزە ئاستی جێگیر نییە و پێویستی بە بردنەوە تاکو بێتەوە ڕێگای سەرکەوتن و پلەی 12ی خولەکەی گرتووە بە 9 خاڵ،سەبارەت بە یانەی ڕزگاری ئەمساڵ ئەم تیپە خاوەن ئاستێکی تایبەت و پلەی 6ی خولەکەی داگیر کردوە و چاوی لە پلەکانی پێشەوەیە و خاوەنداری 14 خاڵ دەکات.
یاریەکەی تری سبەی یانەی سەیدسادقی زامدار لەنێو یایگای خۆیدا میوانداری یانەی هەندرێن دەکات،یانەی سەیدسادق ئەم وەرزە حاڵی لەوپەڕی وێرانیە و تیپەکە بێ بردنەوەیە و کۆتا پلەی خولەکەی گرتووە،هەرچی یانەی هەندرێنە حاڵی لە سەید سادق زۆر باشتر نییە ئەم وەرزە خاوەنی 7 خاڵە و پلەی 13ی گرتووە.
SB