وەزیری ناوخۆی تورکیا، عەلی یەرلیکایا بڵاویکردەوە لە میانی ئۆپەراسیۆنەکانی “گورز-٣٤”دا کە لە ٥٧ پارێزگای تورکیا کرایە سەر ڕێکخراوی تیرۆریستیی داعش، ٥٣٦ گومانلێکراو دەستگیرکران.
یەرلیکایا لە هەژماری خۆی لە تۆڕی کۆمەڵایەتی زانیاریدا سەبارەت بە ئۆپەراسیۆنەکانی “گورز-٣٤” خستەڕوو کە لە ماوەی ١٢ ڕۆژی ڕابردوودا کراوەتە سەر ڕێکخراوی تیرۆریستیی داعش.
وەزیری ناوخۆی تورکیا باسی لەوە کرد لەو ئۆپەراسیۆنانەدا کە لەلایەن تیمەکانی ئاسایشی پارێزگا بە هەماهەنگیی سەرۆکایەتی هۆبەی بەرەنگاربوونەوەی تیرۆر و سەرۆکایەتی دەزگای هەواڵگریی لە بەڕێوەبەرایەتی گشتیی ئاسایش لە ٥٧ پارێزگا بەڕێوەچوون ٥٣٦ گومانلێکراو دەستگیرکراون.
یەرلیکایا دیمەنی ئۆپەراسیۆنەکانی بڵاوکردەوە و، سوپاسی سەرۆکایەتییەکانی داواکاری گشتیی کۆماری و سەرۆکایەتی میت و تیمەکانی جەندرمە کرد کە بە هەماهەنگیی ئۆپەراسیۆنەکەیان ئەنجام داوە.
AA