ئاسایشی رۆژئاوای کوردستان ڕاگەیاندووە، درەنگانێکی شەوی ڕابردوو فڕۆکەیەکی تورکی ماڵێکی سڤیلی لە گوندی “ئاشما”ی دەوروبەری کۆبانێی بۆمباباران کرد و لە ئەنجامدا ١٠ کەس لە یەک خێزان برینداربوون و زۆربەیان منداڵن.
ئاسایش ڕاگەیاندووە، هێرشەکانی تورکیا بەردەوامن و پێشێلکردنێکی ئاشکرایە بۆ هەموو ئەو یاسا و پرەنسیپە نێودەوڵەتییانەی پاراستنی مەدەنییان لەخۆدەگرن.
ئاسایش داوای لە کۆمەڵگەی نێودەوڵەتی و ڕێکخراوە مرۆییەکان کردووە بەرپرسیارێتیی خۆیان بە جێ‌بگەیین و بۆ راوەستاندنی ئەم هێرشانە فشار بخەنە سەر تورکیا.