ئەمڕۆ هەینی 7/3/2025، وەزارەتی کارەبای حکوومەتی هەرێمی کوردستان، ئاگادارییەكی بڵاو كردووەتەوە و تێیدا هاتووە: “وەزارەتی كارەبا تاقیکردنەوەی فشاری سەر تۆڕی کارەبای نیشتمانی لە سنووری ناو بازنەی 120 مەتریی پارێزگای هەولێر ئەنجام دەدات.”
ئەوەش خراوەتە ڕوو، ئەم تاقیکردنەوەیە ڕێکارێکی ڕۆتینییە کە بۆ تۆڕی کارەبا لەلایەن وەزارەتی کارەباوە ئەنجام دەدرێت، ئامانج لێی دیاریکردنی کێشە و خاڵە لاوازەکانی تۆڕەکانی گواستنەوە و دابەشکردنی کارەبایە.
وەزارەتی کارەبا هاووڵاتیان لە ئەگەری پچڕانی نەخوازراوی کارەبا لە کاتی ئەنجامدانی تاقیکردنەوەکە، ئاگادار دەكاتەوە.