له دوو ناوچهی جیاوازی وڵاتی سووریا، بههۆی تهقینهوهی مینهوه، سێ كهس گیانیان لهدهست دا كه دوو له قوربانییهكان كوردن.
مێدیاكانی سووریا بڵاویان كردهوه، كه بههۆی تهقینهوهی مینهوه له گوندهوارهكانی دێرهزوور، دوو ئامۆزا گیانیان لهدهست دا.
ئاشكرا كراوه كه ئهو دوو كهسه لهو كاتهی كه بهڕێگهبوون بۆ سهر زهویی كشتوكاڵی به مهبهستی كاركردن، مین پێیاندا تهقیهوه و گیانیان لهدهست دا.
ئهوهش خراوهته ڕوو كه له ناوچهی (الدویر) له دهوروبهری دێرهزوور، مینێكی دیكه له نزیك بارهگایهكی گرووپه چهكدارهكانی سهر به ئێران، به گهنجێكدا بهناوی (ئهحمهد عیسا) تهقیهوه و سهرئهنجام گیانی لهدهست دا.