لە پۆلێنی باشترین و خراپترین پاسپۆرتەكان بۆ ساڵی 2025ـدا، پاسپۆرتی عێراق، لە دوای ئەفغانستان و سووریا، خراپترین پاسپۆرتی جیهانە لە ساڵی 2025دا.
بەپێی پۆلێنی henleyglobal-، پاسپۆرتی سەنگافوورە لە ساڵی 2025ـدا باشترین پاسپۆرتی جیهانە، دەتوانی گەشتی (195) وڵات و ناوچەی پێ بكەی بەبێ ڤیزا، ئەوەش ڕەنگدانەوەی دۆخی سیاسی و ئابووریی سەنگافوورەیە.
لە دوای ئەو وڵاتە، هەریەك لە فینلەندا، فەرەنسا، ئەڵمانیا، ئیتاڵیا، كۆریای باشوور و ئیسپانیا لە پلەی دووەمدا دێن. كە دەتوانی گەشتی 193 وڵات و شوێنی بەبێ ڤیزا پێ بكەی.
ژاپۆنیش خانەی سێیەمی گرتووە و دەتوانی گەشتی 192 وڵات و شوێنی پێ بكەی.
لەبارەی لاوازترین و خراپترین پاسپۆرتی جیهانەوە بۆ ساڵی 2025، ئەفغانستان خراپترینە، تەنیا گەشتی 26 وڵات و شوێنی پێ دەكرێ.
سووریاش پلەی دووەمی خراپترینەكانی گرتووە بەوەی گەشتی 27 وڵات و شوێنی پێ دەكەی.
لە خانەی سێیەمی خراپترینەكان عێراق دێ، كە دەتوانرێ گەشتی 31 شوێنی پێ بكرێ.