لەگەڵ بەردەوامی هێرشەکانى ئیسرائیل و ئێران بۆسەر یەکتری و راگەیاندنى ئاگربەست، پێچەوانەى پێشبینییەکان نرخى نەوت لە جیهاندا بەردەوام لە گۆڕاندایە و بەراورد بە دوێنێش نرخەکەیان دابەزینێکى بەرچاوى تۆمار کردوە.
ئەمڕۆ سێشەممە، نرخى بەرمیلێک نەوتى خاوى برێنت بە 69 دۆلار و 51 سەنت لەبازاڕەكانی جیهاندا مامەڵەی پێوەدەکرێت و بەراورد بە رۆژى رابردو نرخەکەى هەشت دۆلار و 49 سەنت دابەزیوە.
هەروەها نرخی یەک بەرمیل نەوتی تەکساسى ئەمەریکیش بە 65 دۆلار 72 سەنت لە بازاڕەکانی جیهاندا مامەڵەی پێوەدەکرێت، بەراورد بە رۆژى رابردو نرخەکەى نۆ دۆلار و 8 سەنت دابەزیوە.