لەبارەی هێرشە درۆنییەکانی سەر کێڵگە نەوتییەکانی هەرێمی کوردستان، لیژنەیەکی تایبەتمەند لە بەغداوە گەیشتە هەولێر؛ لێکۆڵینەوە لە چۆنییەتیی هێرشەکان دەکەن و بەڵگەنامەكان كۆ دەكەنەوە و ڕاپۆرتێك ئامادە دەكەن.
بەگوێرەی زانیارییەکان، ئەو لیژنە تایبەتمەندەی ئەمڕۆ هاتووەتە هەولێر بەراورد بە لیژنەكەی هەفتەی ڕابردوو ئەوەیە، بەشێوەیەكی چڕتر لێكۆڵینەوە لە هێرشە درۆنییەكان دەكەن و ڕاپۆرتێك ئامادە دەكەن لەبارەی دەرئەنجامی لێكۆڵینەوەكان، لە هەرێمی كوردستانیش لیژنەیەكی ئەمنی هاوكاریان دەبن بە مەبەستی دۆزینەوەی ئاڕاستەی هەڵدانی درۆنەكان و وردەكارییەكانی دیكە.
زانیارییەکان باس لەوە دەکەن، لیژنەكە دوور لە چاوی میدیاكان سەردانی هەرێمی كوردستانی كردووە و كارەكانی لێكۆڵینەوەش بە نهێنی بەڕێوەدەچن.