بەربژێرەکێ پارتی راگەهاند: ئەز وەکو بەربژێرەکێ پارتی دێ کارکەم ژبوی بجھ ئينانا پلان و بەرنامێن حزب و سەروکێ خۆ، چۆنکە پارتی ھەردەم شەر لسەر مافێن دەستووری یێن گەلێ کورد کریە.
پرۆفیسۆر د. شێرزاد زەکریا سلێڤانەی بەربژێرێ ژمارە 16 لسەر لیستا 275یا پارتی دیموکراتی کوردستان ل بازنا دهۆک بۆ پەڕلەمانێ عێراقێ بۆ ئاژانسا هەواڵی زاگرۆس راگەهاند: ئەز وەکو بەربژێرەکێ پارتی دێ کارکەم ژبوی بجھ ئينانا پلان و بەرنامێن حزب و سەروکێ خو دێ بەرەڤانيێ ل مافێن رەوا يێن گەلێ خو بين، ب هەمی شیان ڤە دێ کارکەین بۆ جێبەجێ کرنا دەستوری هەر وەسا جێبەجێ کرنا مادێ 140، یاسایا نەفت و غازێ هەمی وان بڕگە و یاسایێت گرێدای مافێن گەلێ مە.
بەربژێری ژمارە 16لسەر لیستا 275یا پارتی گوت: دێ کارکەم ژ بۆ زێدەتر گرنگی دان ب تەخا رەوشەنبير و زانا هەر وەسا گرنگی دان ب گەنجا هەولدان بۆ دامەزراندن و رەخساندنا دەلیفێن کاری ب رێکا پڕوژین وەبەرهێنانێ و پڕوژین تایبەت بۆ گەنجا و هەماهەنگی و پاراستنا مافێن وان، گڕنگی دان ب وەرزش و لاوان گرنگی دابن ب کەڕتێ پەروەردێ و خاندنا بلند.
سلێڤانەی زێدەتر گۆت: ھيڤيا من ئەوە ببمە جھێ باوەريێ بۆ خەلکێ خو يێ خوشتڤی بۆ ھندێ بشێم بەرگريکارەکێ سەرسەخت يێ خەلکێ خو بم دناڤ ھولێن پەرڵەمانی دا.