گوتەبێژی سوپای ئیسرائیل، دانیێڵ هاگاری لەباری هێرشەکانی ئێرانەوە بە میدیاکانی ڕاگەیاند، لە هێرشەکاندا تەنیا بنکەیەکی سەربازیی لە باشووری ئیسرائیل زیانێکی کەمی پێگەیشتووە و هیچ زیانێکی گیانیش نەبووە.
هاگاری گوتیشی: “هەتا ئێستا زیاتر لە ٢٠٠ فڕۆکەی بێ فڕۆکەوان و مووشەکی بالیستی ئێران ڕەوانەی ئیسرائیل کراوە و زۆربەیان بەر لەوەی بگەن بە ئاسمانی وڵاتەکەمان لە لایەن سیستەمی بەرگریی ئاسمانی و یان هاوپەیمانانمانەوە تێکشکێندراون”.
شەوی ڕابردوو، ئێران لە وەڵامی هێرشی ئیسرائیل بۆ سەر کۆنسولخانەی وڵاتەکەی لە دیمەشقی پایتەختی سووریا، بە دەیان فڕۆکەی بێ فڕۆکەوان و مووشەکی بالیستی ئیسرائیلی کردە ئامانج.