چوارچێوەی هەماهەنگی رەتیکردەوە خاکی عێراق بکرێتە بنکەیەک بۆ بەئامانجگرتنی هەر وڵاتێک، بەتایبەتی ئێران.
چوارچێوەی هەماهەنگی لە راگەیەندراوێکدا دەڵێت: “لە سۆنگەی بەرپرسیارێتی نیشتمانیمانەوە، چوارچێوەی هەماهەنگی جەخت لە رەتکردنەوەی توندی خۆی دەکاتەوە بۆ بەکارهێنانی خاکی عێراق وەک شوێنێک بۆ دەستدرێژیکردنەسەر هەر وڵاتێک، بەتایبەتی کۆماری ئیسلامیی ئێران؛ چونکە ئەمە پێشێلکارییەکی روونی سەروەریی عێراقە و پەلکێشکردنیەتی بۆ ناو ململانێ گەلێک کە خزمەت بە ئاسایش و بەرژەوەندیی گەلەکەی ناکات.”
هەروەها ئاماژەی بەوەش کردووە کە ناوچەکە بەرگەی ململانێی سەربازیی نوێ ناگرێت، بەتایبەت لە سایەی ئاڵنگارییه ئابوورییەکان و دابەزینی نرخی نەوت، کە بارگرانیی سەر گەلانی ناوچەکە دوو هێندە دەکات.