میدیاکانی ئێران ڕۆژی هەینی و هاوکات لەگەڵ زیادبوونی گرژییەکان لە ناوچەکە و ئەگەری هێرشی سەربازیی ئەمریکا بۆ سەر ئێران، بڵاویان کردەوە مەسعوود پزیشکیان لەگەڵ میری قەتەر و سەرۆکوەزیرانی پاکستان بە تەلەفۆن گفتوگۆی کردووە.
سەرۆککۆماری ئێران پێشتر لەگەڵ ڕەجەب تەییب ئەردۆغان، سەرۆککۆماری تورکیاش بە تەلەفۆن قسەی کردبوو.
بەپێی ڕاپۆرتەکان، مەسعوود پزیشکیان لەم پەیوەندییانەدا “دوایین گۆڕانکارییەکانی ناوچەکە” و “بەردەوامیی ڕێڕەوی دیپلۆماسی” لەگەڵ لایەنە قەتەری و پاکستانییەکان تاوتوێ کرد.
سەرۆککۆماری ئێران گوتی: “ئەگەر ئەمریکا بەدوای دیپلۆماسیی ڕاستەقینەدایە، دەبێت کۆتایی بە کردەوەی دنەدەرانە بهێنێت.”
هەروەها گوتی: “هەڵبژاردەی ئێران ڕێڕەوی گفتوگۆ و دیپلۆماسیی سەربەرزانەیە، بەڵام لە بەرگریکردن لە خۆی دوودڵ نابێت.”