هاکان فیدان، وەزیری دەرەوەی تورکیا، جەختی کردەوە کە جەنگی ئێران نابێت سەرنجی جیهان لە دۆخی فەلەستین و “کارەساتە مرۆییەکەی غەزە” دوور بخاتەوە.
فیدان گوتی هەوڵەکانی ئیسرائیل بۆ سپیکردنەوەی تاوانەکانی لە ژێر سایەی ئەم جەنگە ناوچەییەدا نابێت قبووڵ بکرێت.
وەزیری دەرەوەی تورکیا ئاماژەی بەوەش دا کە ئیسرائیل بە سوود وەرگرتن لە ئاڵۆزییەکانی ئێستا، بەردەوامە لە پێشێلکردنی ئاگربەست و دۆخی مەیدانیش زۆر خراپە.
فیدان هەروەها هێرشەکانی ئیسرائیل بۆ سەر لوبنانی سەرکۆنە کرد و لە کۆتایی قسەکانیدا جەختی کردەوە کە تەنیا ڕێگای گەیشتن بە ئاسایشی پایدار لە ناوچەکەدا، دروستکردنی ئاشتییەکی دادپەروەر و بەڕێز لەگەڵ گەلی فەلەستینە.