شارەزایەکی بواری کەشناسی ئاشکرای کرد کە کەشوهەوای ئەمڕۆ باراناوییە و بە هیچ شێوەیەک گونجاو نییە بۆ گەشت و سەیران، چونکە ئەگەری دروستبونی هەوری سوپەرسێڵ و مەترسی دروستبوونی لافاو هەیە.
هەڤاڵ سەدیق گەڵۆزی، شارەزای بواری کەشناسی بڵاوی کردووەتەوە: “ئەمڕۆ یەکشەممە 22/3/2026، لە کاتەکانی خۆرهەڵاتن بەدواوە بۆ کاتی عەسر لە هەولێر، دهۆک، زاخۆ، موسڵ، کۆیە و دەوروبەری، ناوچەکانی بادینان، سۆران و ناوچە شاخاوییەکانی هەولێر ئەگەری تاوەبارانی بەلێزمەی لە ناکاو هەیە کە هەورەبرووسکەی بەهێز و تەرزەشی لەگەڵدایە، بەهۆی دروستبوونی هەوری سوپەرسێڵ مەترسی دروستبوونی لافاو لەم ناوچانەدا هەیە.”
ئەوەشی خستووەتە روو: “لە ناوچەکانی دیکە پارێزگای هەڵەبجە، سلێمانی و ڕاپەڕین و ئەگەری بارانی مامناوەند بۆ بەخوڕ هەیە و لە گەرمیان و کەرکووکیش ئەگەری بارانی مامناوەند هەیە کە لە هەندێ کاتدا دەگۆڕێت بۆ بارانی بەخوڕ.”