بەپێی زانیارییەکان، ئەمشەو لە قەزای شارەزوور گرژی و شەڕە چەقۆ لەنێوان دوو برادا دروستبووە، لە ئەنجامدا یەکێکیان بە سەختی بریندار بووە.
هەر بەپێی زانیارییەکان، بەهۆی کاریگەری و سەختی برینەکەیەوە، برا بریندارەکە دەستبەجێ ڕەوانەی نەخۆشخانەکانی شاری سلێمانی کراوە، بەڵام دوای گەیشتنی بە نەخۆشخانە و سەرەڕای هەوڵە پزیشکییەکان، گیانی لەدەستدا.
تاوەکو ئێستا هۆکاری دروستبوونی شەڕەکە و وردەکاری زیاتر لەبارەی ناسنامەی براکان ڕانەگەیەندراوە، هێزە ئەمنییەکانیش دەستیان بە لێکۆڵینەوە لە ڕووداوەکە کردووە.