ئەمڕۆ دووشەممە، لە دوای کردنەوەی بازاڕەکانی ئاسیا، نرخی زێڕ گۆڕانکاری بەسەردا هات و بەراورد بە نرخەکانی کۆتایی هەفتەی ڕابردوو ڕووی لە دابەزین کرد، ئەمەش وەک کاردانەوەیەک بۆ بەرزبوونەوەی نرخی نەوت و گۆڕانکارییە سیاسییەکان لە ئاستی جیهانیدا.
لە بازاڕە جیهانییەکاندا نرخی یەک کیلۆگرام زێڕ دابەزی بۆ 149,528.78 دۆلار، هەروەها نرخی هەر ئۆنسەیەک زێڕ بۆ 4,650.86 دۆلار نزمبووەوە، لە کاتێکدا نرخی یەک گرام زێڕ گەیشتە 149.53 دۆلار.
ئەم دابەزینەی نرخی زێڕ پەیوەستە بە کەمبوونەوەی هیواکان بۆ گەیشتن بە ڕێککەوتن لە نێوان ئێران و ئەمریکا، کە وایکردووە نرخی نەوت لە بازاڕەکاندا بەرزبێتەوە و زیان بە نرخی زێڕ بگەیەنێت، هاوکات بەرزبوونەوەی بەهای دۆلاری ئەمریکی بەرامبەر بە دراوەکانی دیکە هۆکارێکی تری نزمبوونەوەی نرخی ئەم کانزا گرانبەهایەیە.
لە بازاڕەکانی ناوخۆشدا و بەپێی نرخی فەرمی سەندیکای زێڕنگران، نرخی عەیارەکان بەم شێوەیە جێگیر بوون؛ عەیار 22 بە 1,041,320 دینار مامەڵەی پێوە دەکرێت، عەیار 21 بە 993,987 دینارە و عەیار 18 بە 851,989 دینار مامەڵەی پێوە دەکرێت.