وەزارەتی ناوخۆی حکومەتی هەرێمی کوردستان لە ڕێگەی نووسراوێکی فەرمییەوە، وردەکاریی نوێی لەبارەی بەکارهێنانی مۆڵەتی شۆفێری لە دەرەوەی وڵات و مەرجەکانی دەرکردنی مۆڵەتی نێودەوڵەتی بڵاوکردەوە.
ئەمڕۆ چوارشەممە، 20ی ئایاری 2026، عەقید سۆران سادق، وتەبێژی هاتوچۆی هەرێمی کوردستان ڕایگەیاند کە مۆڵەتی نێودەوڵەتی ڕاستەوخۆ دوای دەرکردنی شایەنی بەکارهێنانە و تاوەکو کاتی بەسەرچوونی کاری پێدەکرێت.
ئاماژەی بەوەش کرد کە ئەم مۆڵەتە تەنیا بۆ ئۆتۆمبێلی تایبەتە و ئۆتۆمبێلە بارهەڵگرەکان و تانکەرەکان ناگرێتەوە.
