بە بەشداریی ژمارەیەکی بەرچاو لە بەرپرسانی حکومی و حزبی، پیاوانی ئاینی، کەسایەتییە مەسیحییەکان و دانیشتووانی عەنکاوە، لە هەولێری پایتەخت مەراسیمی رۆژی شەهیدانی کلدانی و 57ـەمین ساڵیادی کوشتاری گوندی سوریا بەڕێوەچوو.
مەراسیمەکە ئەمرۆ چوارشەممە، 16ی ئەیلوولی 2026، لە بەردەم کەنیسەی ماریوسف سازکرا؛ تێیدا یاد و بیرەوەریی قوربانیانی ئەو ڕووداوە مێژووییە نوێکرایەوە و بەشداربووان بۆ ماوەی پێنج خولەک بە بێدەنگی وەستان و ڕێز و نەمریان بۆ گیانی پاکی شەهیدانی کلدانی و قوربانیانی کوشتاری گوندی سوریا دووپات کردەوە.
لە میانەی بەڕێوەچوونی ئەم یادەدا، ئامادەبووان جەختیان لەسەر گرنگیی پاراستنی یادەوەری و مێژووی پێکهاتە جیاوازەکانی هەرێمی کوردستان کردەوە و ئاماژەیان بەوە دا کە هەولێر هەمیشە لانکەی بەهێزکردنی ڕۆحی هاوبەشی، پێکەوەژیانی ئایینی و نەتەوەیی دەبێت.