لەسەردانەكەیدا سەرۆك بارزانی پیرۆزبایی لە كردنەوەی (كەناڵی شەمس) لە سەرپەرشتیار و بەڕێوەبەر و كارمەندانی كەناڵەكە كرد و كردنەوەی كەناڵێكی جیهانی بەزمانی عەرەبی لە هەرێمی كوردستان بە پێویستیی و گرنگ وەسف كرد.
سەرۆک بارزانی جەختیشی لەسەر ئەوە كردەوە كە كوردستان خاوەنی پرسێكی ڕەوایە و هەتا ئێستاش وەك پێویست نەتوانراوە جیهان بەباشی لەڕەوایەتی خواست و داخوازییەكانی كورد تێبگەیێندرێت، هەبوونی كەناڵی جۆراوجۆر بە زمانە جیهانییەكان یەكێكە لەو ڕێگایانەی كە دەتوانێت ئێش و ئازار و خواست و ڕەوایەتی ئەم دۆزە بە میلـلەتان و ناوەندە سیاسی و كۆمەڵایەتی و ئەكادیمییەكانی جیهان بگەیەنێت.
هەر لەچواچێوەی سەردانەكەیدا، كەناڵی شەمس دیدارێكی تایبەتییان لەگەل سەرۆك بارزانی ئەنجام دا و لە دیدارەكەدا سەرۆك تیشكی خستەسەر چەند بابەتێكی هەنووكەیی ناوخۆیی و عێراقی و ناوچەكە بە گشتی بە تایبەتیش ئەو گۆڕانكاری و ڕووداوانەی بەم دواییە لە ناوچەکە هاتوونەتە ئارا.
جێگەی ئاماژەپێکردتە دەقی دیدارەكە لەم نزیكانە لە كەناڵەکانی شەمس و زاگرۆس و كوردستان تیڤی بڵاو دەکرێتەوە.